عجبي
صلاح جاهين
مختارات من رباعياته
أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!
يا باب يا مقفول ... إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!!
إنسان أيا إنسان ما أجهلك
ما أتفهك في الكون و ما أضألك
شمس وقمر و سدوم و ملايين نجوم
و فاكرها يا موهوم مخلوقه لك
عجبي !!
ما تفتكرشي ربنا مصطــــــــــــــــفيك
برضـــــــــــك بتاكل دود و للطين تعًًًًودً
يتمـــــــــص فيه يا حلو .. و يمص فك
عجبي !!!
تسلم يا غصن الخوخ يا عود الحطـــــــــب
بييجي الربيع .. تطلـــــــــــع زهورك عجب
و انا ليه بيمضـــــــــــي ربيع وييجي ربيع
و لسه برضك قلــــــــــــــــــبي حتة خشب
عجبي !!!
ياللي انت بيتك قش مفروش بريش
تقوي عليه الريح .. يصبح ما فيش
عجبي عليك حواليك مخالب كـــــبار
و ما لكش غير منقار و قادر تعيش
عجبي !!!!
سمعت نقطة ميه جوه المحيـــــــط
بتقول لنقطه ما تنزليش في الغويط
أخاف عليكي م الغرق .. قلـــــت أنا
ده اللي يخاف م الوعد يبقي عبيط
عجبي !!!
غمض عينيك و ارقص بخفة و دلع
الدنيا هي الشابة و انت الــــــــجدع
تشوف رشاقة خطوتك تعبــــــــدك
لكن انت لو بصيت لرجليك ....تـقع
عجبي !!!
أنا اللي بالأمر المحال اغتــــــــــــوي
شفت القمر نطيت لفوق في الهـــــوا
طلته ما طلتوش إيه انا يهمنـــــــــي
و ليه .. ما دام بالنشوة قلبي ارتوي
عجبي !!
يا عندليب ما تخافش من غنوتك
قول شكوتك و احكي علي بلوتك
الغنوه مش ح تموتك إنمــــــــــا
كتم الغنا هو اللي ح يموتــــــــك
عجبي !!!
ياللي بتبحث عن إله تعــــــــــــبده
بحث الغريق عن أي شئ ينجـــده
الله جميل و عليم و رحمن رحــيم
أجمل صفاته .. وانت راح توجده
عجبي !!!
مزاج اليوم
أهو دللي صار بصوت على الحجار
اضغط هنا
posted by مبتدئ @ 5:08 AM
18 comments
18 Comments:
مبتدئ
"شمس وقمر و سدوم و ملايين نجوم
و فاكرها يا موهوم مخلوقه لك"
ايه الحلاوة دي؟ تسلم لنا.. كل ما أزور موقعك أتفاجأ بشيئ جميل
طبعا يفضل سيد درويش هو عمدة الملحنين العرب.. و الحجار مش بطال.. لكني أفضل فيروز في بيت الدين
لك تحياتي
Pers-
انا ناقل فقط
وبما أن ناقل الكفر ليس بكافر
فناقل الابداع ليس بالضرورة مبدعا
بيت الدين
:(
ايام حلوة.. والله من أرقى الذكريات يا perseus
على فكرة الرابط الذي وضعته لا يعمل
جميــــــــل
والأجمل عودتك ...أشتقنا لك يا رجل
كيف سارت فترة الامتحانات
غريبة! طب جرب ده
ولادة
الامتحانات انتهت
وهذا المهم
لا تهم النتيجة
نحن قوم لا ننظر إلا للأمام
;)
تحية مغمسة ببحر من التفاؤل والسعادة
يا اميرة المدونات
pers-
still doesnt work
الله! هو في ايه؟
طب شوف ده بقى
عناد :) توزيع زياد رحباني الجديد للوتريات يخلي الواحد يشعر برغبة بالتحليق...
فوق .. فووووووووق
على فكرة.. نشد الرحال مرة أخرى هذا الصيف الى بيروت؟
أيبا pers
الآن يشتغل الرابط
عجيبة الأغنية
نشد الرحال مرة الأخرى يا ريت
لكن انا عندي خطة صيفية خيال @!!!!!
يا ريتك تشاركني
kuwaitgirl
مشكورة مشكورة
Very nice words .. Good Choice .. thanks ..and welcome back :)
اختيارات فيها ذوق فعلا يا مبتدئ.. انت فعلا جمعت مجموعة من احلي ما كتب جاهين فعلا
:)
و حمد الله علي السلامة
علاء
Every time I want to have a release, this is the place I run into. Nice choice. Each roba3iya is nicer than the other. Thank you Mobi and welcome back. And I won’t ask you about the results coz I have a hunch that you did well.
What are you studying anyway?
Broken
Thank you, glad u liked it
samrah
اهلا وسهلا
طبعاً الرباعيات ألحان السيد مكاوي شيء محترم
بصوت الحجار رائعة
ترى موجود على موقع سواري
أول ما أحصلها سأخبرك
على فكرة اختفت مدونتك
علاء يا هلا ومرحبا
اشكرك عزيزي
الله يسلمك ويخليك
Ayya
Its your place
I study the Big old $$
we sniff dollars everyday..
3ala golat Twain:
I never let my schooling get in the way of my education.
Didn't Salah Jaheen also write الليلة الكبيرة?
طار في الهوا شاشي وانت ما تدراشي.. يا جدع
طرفه شاورلي شاورلي شاورلي عليه، حكم الهوا ماشي
زيدون
الليلة الكبيرة كلمات جاهين
موجودة على سواري بعد
Vintage
Thanks
inti il class wel sense kila ..
سمرة
تعالي كل يوم
عاد انا نزلت الأغنية تقريباً قبل سنة
بس فعلا ألحين مادري وينها
اذا لقيتها ٍسأخبرك
مدى
أشكرك على الرباعيات
وايد حلوين
رباعيتي المفضلة :
مرغم عليك يا صبح مغصوب يا ليل
لا دخلتها برجليا ولا كان لي ميل
شايليني شيل دخلت انا في الحياة
وبكره ح خرج منها شايليني شيل
عجبي !!!
Welcome back? Results? You traveled somewhere to take a test? When, where, what?
جميل اوي بجدد يا باشا :)
Post a Comment
<< Home